stege عالم من الخيال
 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول
المواضيع الأخيرة
» best fish oils on the market
الأربعاء أغسطس 03, 2011 5:26 pm من طرف زائر

» Randy Hatton Drug Information Center
الأربعاء أغسطس 03, 2011 5:16 am من طرف زائر

» flaxseed oil
الثلاثاء أغسطس 02, 2011 12:49 am من طرف زائر

» online video slot tips
الإثنين أغسطس 01, 2011 11:12 pm من طرف زائر

» иммуномодуляторы гинекология
الأحد يوليو 31, 2011 4:27 pm من طرف زائر

» Aarp Part D Drug Card
الأحد يوليو 31, 2011 12:41 am من طرف زائر

» Продвижение неизбежно
الجمعة يوليو 29, 2011 2:36 am من طرف زائر

» generic cialis online coupon
الخميس يوليو 28, 2011 5:33 am من طرف زائر

» Abuse Of Chinese Medicine
الأربعاء يوليو 27, 2011 7:41 pm من طرف زائر

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني

شاطر | 
 

 @ اعملي حلاوة المولد.. بإيدك @

اذهب الى الأسفل 
كاتب الموضوعرسالة
نــور الشمس
Admin
avatar

انثى
عدد المساهمات : 225
نقاط : 515
تاريخ التسجيل : 04/02/2010

مُساهمةموضوع: @ اعملي حلاوة المولد.. بإيدك @   الخميس فبراير 25, 2010 6:11 pm



فولية.. من صنع إيديكي

كل سنة وكلكم في صحة وخير وسعادة..
خلاص كلها كام يوم ونحتفل كلنا بذكرى عطرة على قلوبنا وهي المولد النبوي الشريف..

وأكيد أول لما المولد بيقرّب، كلنا بنفتكر "حلاوة المولد" اللي بنستناها من السنة للسنة..

طيب إيه رأيكم لو غيرنا السنة دي..
وبدل ما نشتري حلاوة المولد..
نعملها بنفسنا في البيت..

أكيد هتكون أنضف وأحلى..
وكمان هتوفر لنا فلوس كتييير..
يلّا بينا نشوف هنعمل إيه...

الفولية

المقادير:
3 أكواب فول سوداني.
كوب ونصف سكر.
1/3 كوب ماء.
1/4 ملعقة كبيرة ماء ورد.
ملعقة كبيرة عصير ليمون.

الطريقة:
1- سخني الفول في طاسة لغاية ما يتحمص.

2- أحضري حلة وحطي فيها السكر والماء وحطيها على النار، وبعد كده ضيفي عليها ماء الورد وعصير الليمون، وسيبيهم لغاية ما الخليط يبقى سميك شوية ولونه يغمق شوية يبقى قريب من لون الكراميل أو أغمق، وبعد كده نقلبه تقليبة بسيطة ونشيله من على النار.

3- بعد ما تشيليه من على النار أحضري الفول السوداني واخلطيه مع الشربات وقلبيهم كويس مع بعض.

4- تكوني مجهزة قوالب استانلس مدورة أو مستطيلة وبتصبي الفول والشربات فيهم.

5- اضغطي على القوالب بإيدك كذا مرة، بس خلي بالك إنك تكوني لابسة جوانتي حراري؛ لأن الفولية بتكون لسة سخنة، وسيبي القوالب لحد ما الفولية تبرد، وبعد كده قدميها، وبالهنا والشفا.

وبنفس الطريقة دي تقدري تعملي الحمصية والفستقية والسمسمية، بس كل اللي عليكِ إنك تبدلي الفول السوداني بالحمص أو بالفستق أو بالسمسم.

الملبن بالمكسرات

المقادير
2 كوب نشا.
2 كوب ماء.
2 كوب سكر.
مستكة.
معلقة صغيرة ماء ورد.
نصف كيلو عين جمل أو فستق أو أي مكسرات تحبيها.
نصف ملعقه فانليا.

الطريقة
1- احضري حلة وحطي فيها كوبايتين سكر والمية وارفعيها على النار.

2- ذوبي النشا في شوية مية، وسيبيها لغاية ما السكر والميه يوصلوا لدرجة الغليان، وبعد كده حطي عليهم النشا الدايبة في المية مع التقليب المستمر والسريع لمدة ربع ساعة.

3- بعد كده حطي كوبايتين السكر الباقيين عليهم، وافضلي قلبي جامد لغاية ما تلاقي شكلهم بقى عامل زي الكراميل بس فاتح شوية، وبعدين ضيفي عليهم المستكة والفانيليا وماء الورد.

4- أحضري حبل والضمي فيه المكسرات اللي عندك، واغمسيه في الخليط وطلعيه كذا مرة لحد ما الملبن يغطي المكسرات.

5- أحضري صينية مدهونة زيت وحطي فيها حبل الملبن وغطي الصينية، وسيبيها في الثلاجة لمدة يوم لحد ما الملبن يبقى متماسك مع بعضه.. وبالهنا والشفا.



بسيمة وشكلمة الـمولد.. عمايل إيدك



والنهارده هنكمل مع بعض باقي الوصفات..
وهنبدأ بــــــــ طريقة عمل البسيمة


المقادير
1/2 كيلو جوز هند مبشور
1/2 كيلو سكر
1/2 كيلو لبن
ملعقة صغيرة بيكنج بودر
كوب دقيق
1/4 كيلو سمن أو زبدة


الطريقة
1- حطي السمن أو الزبدة على النار لغاية ما تسيح وبعد كده شيليها من على النار.

2- ضيفي على الزبدة السايحة اللبن والسكر وقلبيهم مع بعض كويس، وبعد كده حطيهم على النار تاني لغاية ما السكر يذوب.

3- بعد ما السكر يذوب، شيليهم من على النار وسيبيهم لغاية ما يبردوا.

4- اخلطي الدقيق مع البيكينج باودر جيداً، وبعد ما خليط اللبن يبرد ضيفي عليه خليط الدقيق والبيكينج باودر، وكمان ضيفي جوز الهند وقلبيهم كويس مع بعض لغاية ما الخليط يتماسك مع بعضه.

5- هاتي صينية وادهنيها بالسمن، وبعدين صبي الخليط فيها وافرديه كويس في كل الصينية.

6- قطّعي الخليط بالسكين إلى مثلثات، وحطيها في الفرن لغاية ما الوجه يحمر وتحسي إنها استوت، وبعد كده تقدم وبالهنا والشفا.


ودلوقتي بقى هنعمل

شكلمة جوز الهند


المقادير
كوب سكر ناعم
بياض 4 بيضات
4 كوب جوز هند مبشور


الطريقة
1- اضربي بياض البيض مع السكر كويس بالمضرب لغاية ما قوامه يبقى عامل زي الكريمة.

2- ضيفي جوز الهند على البيض والسكر واخلطيهم مع بعض كويس لغاية ما الخليط يبقى متماسك.

3- شكلي عجينة جوز الهند بأشكال مختلفة وضعيها في صينية مدهونة بالزبدة.

4- دخلي الصينية الفرن على درجة حرارة منخفضة، وسيبيها لغاية ما تحسي إن الشكلمة استوت، وبعد كده طلعيها وسيبيها لغاية ما تبرد وقدميها.. وبالهنا والشفا.


ولغاية هنا وخلصت وصفات حلاوة المولد..
نتمنى إنها تكون عجبتكم وتجربوها بنفسكم..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
@ اعملي حلاوة المولد.. بإيدك @
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
stege2010 :: مالذ وطاب-
انتقل الى: